Ang Babaye Inig Alas-Saes / Si Manong Inig Alas Kuwatro

Poetry by | June 22, 2008

Ang Babaye Inig Alas-Saes
Ang kamingaw sa kabuntagon
Sugaton sa mahait nga singgit
Taginting sa dunggan
Murag mudagan sa kailaluman

Babayeng murag langgam
Lupig pa ang umalohokan
Daw hangin sa kalawakan
Mupukaw sa hinanok na katikaran

Alas-saes sa buntag
Kini pirmi ang nahiaguman
Sa akong pandungog, kini naga-ingon
Bingka! Suman!

Si Manong Inig Alas Kuwatro
Nagbaguod kauban ang balde
Mumhong nagtagaktak sa kalye
Tiguwang nagguyod ug di-ligid
Niduol sa silingan ug niingon
“Naay lamaw diha day?”

One thought on “Ang Babaye Inig Alas-Saes / Si Manong Inig Alas Kuwatro”

Comments are closed.