Kabit

Play by , , | August 1, 2010

In a cafeteria two recent friends meet by chance. Ringgo, who is hard of hearing, has his hearing aid disconnected from his ear. Jords is a ‘ngo-ngo’ who seems to be confident in conversations despite his condition. He is waiting for his new girlfriend, Magda.

Ringgo: (sees Jords from afar and approaches him) Oy! Musta na man ka pre?

Jords: Aw, oki ra kaayo.

Ringgo: Abi ko’g wa na ka’y problema?

Jords: Mao gani. Wala na ko’y problema.

Ringgo: Unsa lagi tong problema preng?

Jords: Wala uy. Amaw.

Ringgo: Unsa man pud latest na balita sa imoha preng?

Jords: Mao japon, trabaho, trabaho.

Ringgo: Kinsa’y kamangon bay?

Jords: Samuka ba! Tarong ba!

Ringgo: Aw. Lamokon bitaw diri bay.

Jords: Wala’y lamok uy. Aircon man diri sa cafeteria. Mag-sige ra pud ka’g agree.

Ringgo: Sige, ingnan nato sila. Katong kamangon bay, kinsa man tong kamangon?

Jords: Ambot nimo. Basta ako, naa ko’y nakamang gabii.

Ringgo: Kinsa’y nangumong?

Jords: Ako ba, naa ko’y bag-ong uyab ba.

Ringgo: Ah, uyab! tarong storya bay. Kanus-a ra?

Jords: Last week, naa ko sa bar. ‘Nya nikalit lang og storya sa ako, “hi, friend!”

Ringgo: Yati ra. Si Ren? Katong silingan nako nga asawa nga si Tusing?

Jords: Dili, dili si Ren. Si Magda. Gwapa kaayo na siya, bay.

Ringgo: Asa pud nigikan ning manggaha?

Jords: Dili mangga. Si Magda.

Ringgo: Seryoso ning storyaha ba. Wala ko ga-joke joke.

Jords: Wala man ko ga-joke, seryoso man akong ginastorya sa imoha.

Ringgo: O jud. Tama jud. Makaluya jud! Parehas atong asawa nako gabii nga wala ko gi-ulian.

Jords: Naa diay ka’y asawa? Asa man diay siya niadto? Wala siya nananghid?

Ringgo: Wala siya niadto’g manihan. Ug nganong mamahid man daw siya?

Jords: Dili, nangutana lang man ko kung asa siya niadto, kung nananghid ba…

Ringgo: Kabalo ko bungol ko bay, pero ayaw ko binu-angi.

Jords: Wala taka gibinuangan oy. Seryoso man ko’g tubag sa imoha.

Ringgo: Sukad pa tong next week na nagkaila ta, wala pa jud ka’y storya na tarong sa akoa ba. Puro ra jud binuang.

Jords: Binuang! ah! wala man gani ko nag-joke sa imoha.

Ringgo: Mura jud ka’g asawa nako ba. Wala’y klaro. Dili magluto. Dili maghinlo.

Jords: Dili na man na importante nang luto luto, basta maayo ra mukasta.

Ringgo: Asta jung paita. Mag-sige pa ju’d laag, igata!

Jords: Aw, wala man na’y kaso sa akoa bay, dili bitaw nako na asawa. Ug wa pud ko’y plano mag-asawa, samok samok ra na. Uyab uyab ra’y ako.

Ringgo: Sakto. Makaluya jud. Unsa na pud nang reklamo nimo sa lamok?

Jords: Wala lagi lamok. Daghan kaayo na’g problema nang asawa oy. Daghan kaayo’g responsibilidad ngyawa.

Ringgo: Unsang wala? Daghan kaayo oy.

Jords: Daghan jud bitaw. Maong uyab uyab ra’y ako.

(Magda enters not noticing them)

Oy! Naa na man diay akong chicks o! Magda!

(Magda turns towards them and stares in shock)

Jords: (mutan-aw kay Ringgo) Mao na akong uyab bay!

Ringgo: Mao ni akong asawa!

Magda: (muduol sa ilaha) Aw, magkaila diay mo?

Ringgo: Nag-unsa man ka diri Magda?

Magda: Aw, timing, threesome na lang ta!

Jords: Ayus! Lingaw na. (stands up and walks away) Ali na!

Ringgo: Unsang eksama? Mag-exam ta?

Magda: Ay, sige’g pangutana! Ali, dula ta! (Magda pulls him)

—-
Darylle Rubino, Javin Jet Tevar, and Christine Quilisadio are taking up Creative Writing in UP Mindanao. Tevar has been a fellow at the Iligan National Writers Workshop.

One thought on “Kabit”

Comments are closed.