Pinikas, Ikaduhang Bahin

Fiction by | May 10, 2015

Usa ka hapon, pag-agi nako didtos tindahan ni Ante Nita, maoy tapik sa mga istambay ang umaabot nga piniliay.

“Unsaon na lang kaha ning atong eleksiyon, Pre, no? Morag haskang gubota.”

“Gubot pas imong bungot, Pre.”

“Ayawg tripingi nang akong bigote, Pre. Assit biya na. Haha!”

“Tuod, Pre, tiamona? Apil si Kulas modagan pagka kagawad? Pastilan! Puyde diay na?”

“Aw, apil man gani si Nong Karyo nga gabadhay-badhay nas katiguwang, modagan! Haha! Kon modaog siya, syur gyod ko nga dili niya mahuman iyang termino. Ma-terminit na siyag sayo!” dalag aksiyon og putol sa iyang liog.

“Haha! Ug, in pernis, Pre, si Minda nga mamingkahay, modagan pod kuno!”

“Lagi. Mao poy akong nadunggan.”

“Taymsa, si Botyok man diay ni.”

Continue reading Pinikas, Ikaduhang Bahin

Pinikas, Unang Bahin

Fiction by | May 3, 2015

DAKONG Balita: MAMINGKAHAY, MIDAGAN PAGKA KAGAWAD.

Kini ang nakapakignat sa among mga silingan sa Baryo Panatayan. Sa ilang unang pagkadungog niini, ila ming gihimong pulotan sa bahal nga gitinda ni Nanay Pirmin nga among silingan. Ug usahay pod, samtang ang mga babaye gapanlaba didto sa Aplaya o gahingotoay man ganing dihas ilang pantawan, gapadparan sa hangin ang ilang diskusyon padulong sa among balay ug kini molusot sa mga buslot namong bungbong hangtod kini among madunggan. Dako gyod nga balita!

Ambot ba pod, di nako masabtan nga misulod man sa alimpatakan ni Mama ang politika, kay sa tinuod lang gyod dili ko ganahan anang butanga. Alang nako, ang mga politiko puro mangingilad. Maayo lang na sila panahon sa kampanya. Saad diri, saad didto. Buhaton ko ni, buhaton ko na. Apan kon modaog na gani, hala! Makalimot na dayon. Kon inyong duolan para mangayog tabang, mangatol dayos ulo, dayon sa kilid. Morag among iro nga si Pusoy nga labihan kakutoon. Aha na kaha to karong buanga, ay? Mikalit lag kawala. Wala nay uli-uli human sa eleksiyon. Basig nabiktima to sa mga tambay didto sa ilang Nanay Pirmin. Matod pas mga tsika-tsika, dili daw na gapamili ang mga hangal. Bisag kagiron nga iro, basta luto na, lami na kuno kaayo! Kangil-ad.

Continue reading Pinikas, Unang Bahin

Panumdom

Poetry by | May 6, 2012

Niagi ang kuwarenta minutos
Apan ang bus dili mo-isbog.
Ang akong tupad nga mga Hapon
Mikuhas ilang earphone,
Daw naminaw ug tukar o di ba balita,
Napungot kay ang mga sakyanan
Sa Beretania dili gasibog.
Sa akong atbang, dunay duha
Ka Amerkanang sigeg tan-aw
Sa ilang relo, dala yam-id
Kon ang bus mo-irog lag diyotay.
Sa way dugay, adunay mga nanganaug
Nga daw samas sundalong samdan.
Ug wa ko hipugngi ang pahiyom
Nga naumol sa akong mga ngabil
Sa dihang nikidlap sa kong panumdoman
Ang akong gigikanan.


Jayson Parba is currently enjoying his Fulbright Foreign Language Teaching Assistantship (FLTA) Program at the University of Hawaii at Manoa. He comes from Cagayan de Oro City and teaches literature and ESL courses at Capitol University.

Relo

Poetry by | February 6, 2011

Kining relo nga kalit niundag tuyok
Dili usa ka makinang daot.
Kini ang akong pagbating gitipigan,
Gisuksok sa pamasing ang tanan makalimtan.

Ug diha sa suok siya nagpaabot.
Sa hilom, naghandom nga pansinon,
Nag-ampo nga sa maka-usa pa,
Sul-obon.

Apan ang akong kasingkasing
Gipul-an na. Gikapoyan nag ilis.
Naluya sa mga kuso-kuso,
Nawad-an og kusog sa pagpanlubag.

Kining relo nga niundang og pitik
Dili usa ka makina. Kini usa ka pagbating
Nahinanok ug wa kamata.
Di na ko mopalit og bag-ong baterya.


About Jayson Parba: Si Jayson usa ka magtutudlo sa Capitol University sa Cagayan de Oro City.

Dangoyngoy sa Suba

Fiction by | November 7, 2010

This story won 1st Prize in the 2010 DWG Fiction Writing in Bisaya. It will run in Dagmay through the rest of November.

Hubog na pod siya karon. Ug sama kaniadtong mga niaging adlaw, pirmi siyang gayawyaw sa iyang pagkatulog. Samtang kaming tanan ginaduyan na diha sa among mga damgo sa kabugnaw sa kadlawon, makamata mi sa iyang siyagit og “Intoy!” Usahay, mokalit lang siyag dangoyngooy diha sa iyang pagkatulog. Ingon ana gyod nang mga hubog, murag walay buot kon matulog. Makahuna-huna ko usahay nga gadamgo siya kang Manoy Intoy o di kaha ga-uromon siya. Apan puydi pod tingali nga diha sa iyang pagkahinanok, iyang gakakit-an ang mga panghitabo kon kanus-a wala siyay nabuhat kay adtong higayona nakiglambigit man siya sa demonyo nga namugna sa bino nga naghari sa iyang pangisip.

Dili to nako malimtan nga takna kay didto nagsugod kining gawi nga akong ginabuhat kada mahubog si Papa . Sabado. Tulo katuig na ang niagi. Kilomkilom tong adlawa, apan si Papa desidido nga moadto mi sa siyudad aron among ibaligya ang kopras nga bag-o lang namo gigang-gang aron kini mauga pagdali. Pipila pod kagabii nga nagbilar si Manoy Intoy ug Papa aron magpadayon ang siga sa kalayo nga gapa-uga sa kopras. Kon adlawan, ako ang gabantay didto sa ganggangan aron ang kalayo dili mahutdan ug sugnod. Gikinahanglan kaayo nga amo dayong humanon ang maong bulohaton. Gasakit si Mama og dili maayo nga iyang ipatutoy si Inday Nika nga pipila pa lang kabuwan. Basin unyag matakdan siya ni Mama. Kinahanglan namo mopalit og tambal didto sa siyudad.

Continue reading Dangoyngoy sa Suba

Ga-i Ko’g Itik, Parts

Poetry by | September 5, 2010

Parts, daghan man daw itik sa inyong tugkaran?
Naa kay mahatag nako?
Kanang nindot ug lawas, ha?
Kanang maayo mokimbot
Sa iyahang sampot.

Ayaw nang sobra katambok
Basin dali ra kayo hangoson.
Ug usa pa, di ko ana,
Kusog man gud na mokaon.

Ayaw pud nang niwang
Basin dali ra kaayo kapoyon.
Ug usa pa, di ko ana,
Wa may lami kaonon ang bukogon.

Kanang sakto lang og lawas
Para maigo sa akong kalha,
Kung asa siya akong lutoon
Aron sa kalipay ako iyang busogon.

—-
Si Jayson Parba usa ka magtotodlo sa Capitol University, Cagayan de Oro City.

A Private Family Affair

Fiction by | August 15, 2010

Ate Stella and her husband Marco eloped two days after their wedding had been annulled, causing all the feeling of anguish to both mother and father.

It was the least expected event to happen in our family. Mother and Father had thought my eldest sister would start getting a better life after a long hurdle of going to the court, giving testimonies, and presenting pieces of evidence in front of Judge Gomez to convince him that Ate Estella’s marriage with Marco was null and void, and that, on her part, she had suffered physical abuse and emotional stress after her husband had become a drug addict and a total wreck.

Continue reading A Private Family Affair

Uncle Gaspar takes a wife

Fiction by | June 27, 2010


Growing up as I did in our little barrio of Kauswagan, I only knew of Uncle Gaspar through the balikbayan box of chocolates, cigarettes, wine, and small appliances he sent every Christmas. Uncle Gaspar worked as a truck driver in Saudi, you see, together with his brother, my Uncle Diosdado. In the five years he was away, he sent money to Lola Estella to build a house and to buy a farm lot.

I always suspected that Uncle Gaspar was a mama’s boy. Mama said that even if he was naughty, Lola had always given him special attention. With Uncle Gaspar far away, Lola Estella would sometimes take out the photo album she kept in the aparador of their house. She showed us pictures of Uncle Gaspar together with Arabs in long, white gowns and equally long headscarves. Sometimes, the pictures were of Uncle Gaspar playing cards with other Filipino workers.

Continue reading Uncle Gaspar takes a wife